Organisašuvdna

Nordterm Wiki

Flags new.gif

Nordterm ulbmilat ja bargoviidodat

Nordterm ulbmilin lea doaibmat terminologiijabarggu davviriikkalaš forumin ja fierpmádahkan. Dán ulbmila ollašuhttimii, Nordterm:

  • ovddida terminologiijasuorggi ovttasbarggu Davviriikkain, dieđuid, vásáhusaid ja bohtosiid lonuhallamiin, oktasaš prošeavttaiguin ja konferánssaid ja symposiaid lágidemiin
  • nanne Davviriikkaid rolla ja váikkuhanvejolašvuođaid terminologiija ovddideames riikkaidgaskasaš dásis bargguid koordineremiin ja oktasaš prinsihpaid ovddidemiin
  • doaibmá tearbmadutkamis, geavatlaš tearbmabarggus, tearbmaoahpahusas ja eará bargguin mat gullet terminologiijai.

Deaŧáleamos buot Nordtermdoaimmain lea Nordtermčoahkkaneapmi mii lea juohke nuppi jagi. Nordtermčoahkkaneapmi lea rabas forum buot davviriikkaid tearbmaberošteddjiide. Nordtermčoahkkaneami oktavuođas lágiduvvo davviriikkalaš tearbmakongreassa.

Nordterm aktiivvalaččat oassálastá tearbmaovttaiduhttinbarggus ja oallugat Nordterm mielláhttuorganisašuvnnain leat iešguđet dásiin mielde ISO/TC 37:s.

Dáppe logat Nordterm njuolggádusaid.


Nordterm oassálastit

Nordterm váimmus čohkiida guđa davviriikkalaš terminologiijaguovddážis:

Dáid lassin leat máŋggat organisašuvnnat ja ovttaskas olbmot, geat servet Nordterm doaimmaide.

Stivrenjoavku

Nordterm stivrenjoavku lea Nordterm bajimus orgána mii ovttastáhttá doaimmaid ja ovddasta Nordterm riikkaid gaskasaš oktavuođain. Stivrenjoavkkus lea ovddasteaddji juohke Nordterm terminologiijaguovddážis.

2017-2019 Nordterm stivrenjoavkkus leat čuovvovaččat:

  • Danmárku: Hanne Erdman Thomsen, DANTERM Research (Jođiheaddji)
    • sadjásaš: Bodil Nistrup Madsen, DANTERMcentret
  • Suopma: Katri Seppälä, TSK
    • sadjásaš: Mari Suhonen, TSK
  • Islánda: Ágústa Þorbergsdóttir, Stofnun Árna Magnússonar í íslenskum fræðum
    • sadjásaš: Ari Páll Kristinsson, Stofnun Árna Magnússonar í íslenskum fræðum
  • Norga: Marianne Aasgaard, Språkrådet
    • sadjásaš: Ole Våge, Språkrådet
  • Ruoŧŧa: Åsa Holmér, TNC
    • sadjásaš: Henrik Nilsson, TNC
  • Sápmi: Marko Marjomaa, Sámediggi

Bargojoavkkut

Tearbmadoaimmaid doaimmahit Nordterm bargojoavkkut.

Dá leat Nordterm bargojoavkkut:

  • AG1 — Terminologiforskning och terminologiutbildning
    • Jođiheaddji: Nina Pilke, Vasa universitet
    • várresátnejođiheaddji: Marita Kristiansen, Norges Handelshøyskole
    • čálli: Åsa Holmér, TNC
  • AG2 — Termhanteringsverktyg
    • Jođiheaddji: Henrik Nilsson, TNC
    • čálli: Gisle Andersen, Norges Handelshøyskole
  • AG5 — Nordterms Internetinformation
    • Jođiheaddji: Henrik Nilsson, TNC
    • čálli: Mari Suhonen, TSK