Organisašuvdna

Nordterm Wiki
Dálá veršuvdna geassemánu 28 b. 2021 dii. 9.12 – ráhkadan Admin (ságastallan | rievdadusat)
Jump to navigationJump to search

Flags new.gif

Nordterm ulbmilat ja bargoviidodat

Nordterm ulbmilin lea doaibmat terminologiijabarggu davviriikkalaš forumin ja fierpmádahkan. Dán ulbmila ollašuhttimii, Nordterm:

  • ovddida terminologiijasuorggi ovttasbarggu Davviriikkain, dieđuid, vásáhusaid ja bohtosiid lonuhallamiin, oktasaš prošeavttaiguin ja konferánssaid ja symposiaid lágidemiin
  • nanne Davviriikkaid rolla ja váikkuhanvejolašvuođaid terminologiija ovddideames riikkaidgaskasaš dásis bargguid koordineremiin ja oktasaš prinsihpaid ovddidemiin
  • doaibmá tearbmadutkamis, geavatlaš tearbmabarggus, tearbmaoahpahusas ja eará bargguin mat gullet terminologiijai.

Deaŧáleamos buot Nordtermdoaimmain lea Nordtermčoahkkaneapmi mii lea juohke nuppi jagi. Nordtermčoahkkaneapmi lea rabas forum buot davviriikkaid tearbmaberošteddjiide. Nordtermčoahkkaneami oktavuođas lágiduvvo davviriikkalaš tearbmakongreassa.

Nordterm aktiivvalaččat oassálastá tearbmaovttaiduhttinbarggus ja oallugat Nordterm mielláhttuorganisašuvnnain leat iešguđet dásiin mielde ISO/TC 37:s.

Dáppe logat Nordterm njuolggádusaid.


Nordterm oassálastit

Nordterm váimmus čohkiida guđa davviriikkalaš terminologiijaguovddážis:

Dáid lassin leat máŋggat organisašuvnnat ja ovttaskas olbmot, geat servet Nordterm doaimmaide.


Stivrenjoavku

Nordterm stivrenjoavku lea Nordterm bajimus orgána mii ovttastáhttá doaimmaid ja ovddasta Nordterm riikkaid gaskasaš oktavuođain. Stivrenjoavkkus lea ovddasteaddji juohke Nordterm terminologiijaguovddážis.

2019-2021 Nordterm stivrenjoavkkus leat čuovvovaččat:

  • Danmárku: Hanne Erdman Thomsen, Terminologigruppen i Danmark
    • sadjásaš: Bodil Nistrup Madsen, Terminologigruppen i Danmark
  • Fearsullot: Kristin Marjun Magnussen, Málráðið
  • Islánda: Ágústa Þorbergsdóttir, Stofnun Árna Magnússonar í íslenskum fræðum
    • sadjásaš: Ari Páll Kristinsson, Stofnun Árna Magnússonar í íslenskum fræðum
  • Kalaallit Nunaat: Lisathe Møller, Oqaasileriffik
    • sadjásaš: Tuperna Møller, Oqaasileriffik
  • Norga: Marianne Aasgaard, Språkrådet
    • sadjásaš: Ann Helen Langaker, Språkrådet
  • Ruoŧŧa: Åsa Holmér, Institutet för språk och folkminnen, Språkrådet (Jođiheaddji)
    • sadjásaš: Karin Webjörn, Institutet för språk och folkminnen, Språkrådet
  • Sápmi: Marko Marjomaa, Sámediggi
  • Suopma: Katri Seppälä, Sanastokeskus
    • sadjásaš: Mari Suhonen, Sanastokeskus


Bargojoavkkut

Tearbmadoaimmaid doaimmahit Nordterm bargojoavkkut.

Dá leat Nordterm bargojoavkkut:

  • AG1 — Terminologiijadutkan ja terminologiijaoahppu
    • Jođiheaddji: Nina Pilke
    • čálli: Åsa Holmér, Institutet för språk och folkminnen, Språkrådet
  • AG2 — Terminologiija - digitaliseren ja bargoneavvut
    • Jođiheaddji: Ole Våge
    • čálli: Henrik Nilsson